点说话？

近排出席咗嗰唔算大但係好重要嘅聚会
聚会里嘅朋友其实都识咗好耐，基本上对大家的脾性都有返d了解
不过人同人之间嘅相处真係好奇妙

当你中意佢嘅时候，同佢埋啷嗰阵，佢做乜都顺你意
但係当你一发觉佢有一点开始唔顺你意，你就逐渐会发现佢其他得人嬲嘅部分
呢中感觉会蔓延，结果会好恐怖
一段感情嘅失去不过如此

讲咗去边？

话说我有位朋友A，天生炮仗颈
乜都中意拗返餐
人地有d乜野意见都要插把嘴

有事意见多唔係唔好
你睇到 d 人地睇唔到嘅嘢，帮人地了解如果咁做嘅后果会係点点点
但係，都要人地领情先得噶

人地领情自然好，仲会多谢你提点
人地唔领情？你即时变八婆，吵喧巴闭某嚟规矩啦

说话要分人，要分事，要分时间地点
真係一门高深嘅学问

我自问学艺未精
都有少少招数可以同大家分享

同死党 shopping 就算啦
件衫唔靓就直讲，唔好等到买返去着出嚟俾人笑先至口多多咁讲
“其实上次你试衫嗰阵我就觉得件衫唔衬你”
有 d 说话真係唔讲好过讲噶

如果男女朋友就唔同啦
同男女朋友行街街
试衫嗰阵总会被问到“我咁着靓唔靓啊？”

呢嗰时候就要睇下对方嘅脸色

如果欢天喜地，表示佢好中意件衫，希望听到一句赞美
呢嗰时候你可以间接 d ，讲句
“你着呢件衫唔错，但係你唔觉得，件衫嘅领唔衬你咁靓嘅颈线？”
“睇起来唔错，但係我觉得你着头先嗰件靓d"
当然，俾 d 表情俾 d 戏会仲好

如果佢面露难色，好似十五十六，唔知点睇件衫嘅话
咁你可以直接 d, 话俾佢知件衫真係唔衬佢
记住，要讲 “件衫唔衬你” 而唔係 “你着呢件衫好难睇”

要将责任推落件衫度，而唔係人地 carry 唔到件衫
有阵时为咗讨好佳人，假 d 都要啦

又话着
你时时都会遇到 d 咁嘅情况
“你想食 d 乜？”
“Cincai 啦，你话事”
“不如食...日式烧烤？”
“咦...整身油烟味，唔要”
“咁不如...食火锅”
“有自己禄，唔要”
...
..
.

继续落去都冇意思
不如直接 d 问佢
“咁你宜家最想食乜？唔好讲唔知，唔知我返屋企煮杯面等你试下我手势几厉害”
唔係咁难搞嘅人应该都会係呢度为自己搵个落台方式
除非你嘅佢真係咁唔知趣啦


又或者
新年最 hit 俾人问乜？唔试我讲你都知啦
“拍咗拖没啊？冇带返嚟见吓我地嘅？”
“几时结婚啊？你唔细嘎啦...”

虽然99%我心里边諗 “关你鬼事咩？”
比起长气咁同 d Aunty Uncle 理论单身的好处
不如索性结束
“冇啊，我仲係单身，你又唔介绍，知我唔细就快快介绍嗰順盘嚟啦”
又或者你 d 屋企人够废
你可以再废 d
“ 我？几十百嗰排紧队我都唔知揀边嗰，你慢慢等多十年啦”
呢招百试百灵，Bell 婆婆亲身分享哈哈

问你几时结婚？
简单
“等我攞多几年红包先啦”
收队。

留意吓
你身边有冇 d 整日将“我”挂係嘴边嘅朋友？
“我觉得...”
“我认为...”
“我中意...”
“我唔理你点总之你帮我...”


呢厅人，一就係真係势利，句句有 point， 令人生畏
二就係多半生活係自己嘅 comfort zone 太耐，未俾人正式挑战过
三最头痛，因为同佢讲咗，佢完全唔觉得係一个问题
没救。

有阵时咧...我话有阵时！
自我意识太强未必好。
因为你係错嘅时间表现自己，真係好得人嬲而不自知。
所以奉劝各位，下次要表达自己意见嘅时候
諗清諗楚，讲出嚟係咪对大家都好
讲出嚟会唔会落人面
讲出嚟会唔会令场面尴尬
同埋，你有冇为他人着想过咧？

学识讲嘢，受用无穷。
阿妈整日都讲我唔识讲嘢，我都学紧噶，一起啦！

*此见解完全因人而异，我嘅见解唔见得你会同意，但望谅解*
*有 d 乜嘢唔同意，请 comment，我哋好好分享*

每次写广东 blog, 会有 d 朋友唔明，咁就 click 吓 下边嗰 player, 现场 live 啦～

click here to listen

自己听完都觉得自己似一个八婆～没救～

多谢听我讲废话， Good Luck。